தலித்தை ஆதரிப்பது மட்டும் சாதி அரசியல் ஆகாதா?

ஆர்குட்டில் சாதியை எதிர்ப்பது பற்றியான விவாதத்தில் ஒரு அய்யங்கார் குழுவில்(community ) இருந்த நன்பரும் உரையாடினார் அதற்கு என்னுடைய பெரியாரியல்வாதி நன்பர் ஒருவர் நீங்கள் எப்படி இதுப்பற்றி பேசலாம? அய்யங்கார் குழுவில் இருந்து கொன்டு என்று கேட்டார்.எனது நன்பர் தலித் குழுவில் இருந்தார்,அதற்கு அந்த பார்ப்பன நன்பர் நீங்கள் மட்டும் தலித் குழுவில் இருக்கலாமா? அது மட்டும் சாதி வெறி இல்லையா என்று கேட்டார்.

அந்த பார்ப்பன சாதி வெறியர் கேட்ட கேள்விக்கு இங்கு பதில்.

தலித் எனப்படும் தாழ்த்தப்பட்டோரை ஆதரிப்பது மட்டும் சாதி அரசியல் ஆகாதா?
பேராசிரியர் சுப வீரபான்டியன் அவர்கள் எழுதிய "குடும்பமும் அரசியலும்" என்ற நூலில் இதற்கு பதில் அளிக்கிறார் இப்படி,

ஒரு நாளும் ஆகாது . சாதிய அமைப்பு நிலைப்பதாலும்,நீடிப்பதாலும்,தாழ்த்தப்பட்ட மக்களுக்கு எல்லாவிதமான ஒடுக்குமுறைகளும் தொடருமேயன்றி,ஒரு சிறு நன்மையும் அவர்களுக்குக் கிடையாது.சாதிய அடுக்குமுறையை நெஞ்சில் நிறுத்தி எண்ணிப் பார்த்தால் மேலும் சில உண்மைகள் நமக்கு விளங்கும்.
சாதி அடுக்கின் மேல்தளத்தில் இருக்கும் பார்ப்பனர்களுக்கு,சாதியம் எல்லாவிதமான சமூக உயர்வையும் பெற்றுத் தருகின்றது.சாதி,அவர்களைப் பாதுகாக்கவும் செய்கினறது. சாதி அமைப்பினால் அவர்களுக்கு அனைத்தும் நன்மையே தவிர,ஒரு கேடும் இல்லை.
மற்ற சாதியினருக்கு,அவரவர் எந்த அடுக்கில் உள்ளனர் என்பதையொட்டி,நன்மைகளும்,கேடுகளும் கல்ந்து கிடக்கும்.பார்ப்பன்ர் அல்லாத முற்ப்படுத்தப்பட்ட சாதியினர்,பிற்படுத்தப்பட்டோர்,மிகவும் பிற்படுத்தப்பட்டோர் என அச்சாதியினரை மூன்று வகைகளாகப் பிரிக்கலாம்.
தாழ்த்தப்பட்ட மக்களே சாதி அடுக்கின் கீள்த்தளத்தில் உள்ளனர்.சாதியின் பெயராலேயே இவர்கள் ஒடுக்கப்படுகின்றனர்.சாதிய அமைப்பே,இவர்களுக்கு எல்லாவிதமான சமூக இழிவுகளையும் சுமத்தியுள்ளது. இவர்களில் மிக மிகப் பெருபான்மையோர்,பொருளாதாரத்தில் நலிந்து கிடப்பதற்கு சாதியே காரணமாக உள்ளது. சாதி அமைப்பினால்,இவர்களுக்கு அனைத்தும் கெடுதலே தவிர,ஒரு நன்மையும் இல்லை.

இப்போது சொல்லுங்கள் சாதியை ஒழிக்க வேண்டும் என்று யார் விரும்புவார்கள்?
சாதி ஒழிவதால் யாருக்கு நன்மை?

ஆகவே,தாழ்த்தப்பட்டோருக்கு ஆதரவான நம் செயல்களும்,போரட்டங்களும் சாதி அரசியல் ஆகாது. மாறாக,சாதி ஒழிப்பு அரசியலாகவே அது அமையும்

இது அந்த பார்ப்பன சாதி வெரியனுக்கு புரியும் என்று நினைக்கிறேன்.!!

நான் போற்றும் மூன்று புரட்சியாளர்கள்

இந்த பதிவு " நான் போற்றும் மூன்று புரட்சியாளர்கள்"

இந்த மாபெரும் புரட்சியாளர்களுக்கு என் முதல் வணக்கத்துடன், ஒரு சிறு அறிமுகம் இது.
என்னை கவர்ந்த இந்த மூன்று பேருமே மூன்று வெவ்வேறான இடங்களில் இருந்து வந்தவர்கள் .


முதலாமவர் நமது நேதாஜி சுபாஷ் சந்திரபோஸ்.

இவரைப்பற்றி நாம் அனைவருக்கும் தெரிந்ததே.
"நேதாஜி" என்று நம் மக்களால் மரியாதையுடன் அழைக்கப்படும் சுபாஷ் சந்திர போஸ் (ஜனவரி 23, 1897 - ஆகஸ்ட் 18 1945). இரண்டாம் உலகப் போர் சமயத்தில் வெளிநாடுகளில் போர்க் கைதிகளாய் இருந்த நூற்றுக்கணக்கான இந்தியர்களை ஒன்றுதிரட்டி இந்திய தேசிய ராணுவத்தை உருவாக்கி அப்போது இந்தியாவை ஆட்சி செய்த ஆங்கிலேயர்க்கு எதிராக தாக்குதல் நடத்தியவர்.

இவர் 1945 ஆகஸ்ட் 18 அன்று தைவான் நாட்டில் ஒரு விமான விபத்தில் இறந்து விட்டதாக கருதப்பட்டாலும், அவர் அதில் இறக்கவில்லை அதற்கு பின் வெகுகாலம் வாழ்ந்தார் என்று கூறுகிறார்கள்.
"சுதந்திரம் என்பது கேட்டு பெறுவது அல்ல" என்ற கொள்கைக்கு ஏற்றார் போல் ஆயுதம் ஏந்தி போராடியவர். இப்படி போராடிய இந்த வீரரின் கடைசிகாலம் சர்ச்சைக்குள்ளானது மிகவும் வேதனைக்குரியது.
இந்த மாவீரக்கு எனது வீரவணக்கம்.


இரண்டாமவர் இன்றைய 'நேதாஜி'மாவீரர் வே.பிரபாகரன்.

தமிழீழத்தின் வல்வெட்டிதுறையில் நவம்பர் 26, 1954, பிறந்த பிரபாகரன் தமிழீழ விடுதலைப் புலிகள் இயக்கத்தின் தலைவர் ஆவார். 1972ல் தமிழ் புதுப் புலிகள் என்ற அமைப்பை தனது 18-ஆவது வயதில் பிரபாகரன் தொடங்கினார். மே 5, 1976ல் தமிழ் புதுப் புலிகள் இயக்கம் தமிழீழ விடுதலைப் புலிகள் என்று பெயர் மாற்றப்பட்டது.

இவரை தமிழ்தாயின் இளையமகன் என்றே கூறலாம்.
இவ்வளவு குறைந்த வயதில் ஒரு விடுதலை இயக்கத்தை ஆரம்பித்து தன் இனத்துக்காக போராடும் உன்னதமான மாவீரன்.தமிழரை உலக அரங்கில் தலை நிமிர வைத்த ஒரு உயர்ந்தவன்.
இந்த வீர தமிழனுக்கு எனது இந்த பதிவின் மூலம் வணக்கத்தை தெரிவித்துக்கொள்கிறேன்.


மூன்றாமவர் சே குவேரா.

"சே குவேரா "என்பது பெயர்ச்சொல் அல்ல விளிச்சொல்லும் அல்ல,அது ஒரு மந்திரம். சோர்ந்த மனதில் ஆற்றலைப் பாய்ச்சித் தளர்ந்த நரம்புகளில் உயிரை ஊட்டும் மந்திரம் அது.
தென் அமெரிக்காவின் அர்ஜென்டினாவில் 1928 ஜூன் 14 பிறந்து கியுபாவுக்காக போராடி விடுதலை அடைந்து அமைச்சர் பதவி கிடைத்தும் அதை உதறித்தள்ளி விட்டு மற்றொறு நாட்டின் அதாவது பொலிவிய புரட்சியாளர்களுக்காக போராடி தன் இன்னுயிரை விட்டவர்.தான் ஒரு மருவத்துவராக இருந்தும் அந்த தொழிலை செய்யாமல் புரட்சியாளர்களுக்காக தன் கூடவே பிறந்த காச நோய் பற்றி கவலைப்படாமல் போராடியவர்.
இந்த மானுடப்பிரவாகத்தில் மிக அரிதாகத் தோன்றுகிற மாமனிதர்களில் ஒருவர் சே குவேரா.
இந்த மாபெரும் புரட்சியாளனுக்கு எனது வீர வணக்கம்